Вчера делегација на Општина Штип предводена од страна на градоначалникот, Благој Бочварски, оствари посета на Општина Гоце Делчев во соседна Република Бугарија. Градоначалникот Бочварски оствари средба со Владимир Москов, којшто функцијата градоначалник на Гоце Делчев ја извршува 22 години.

Штипската делагација беше запознаена со актуелностите и состојбите во бугарската општина, а се разговараше за идни проекти кои двете Општини треба да ги реализираат заеднички.

На вчерашната седница на Советот на Општина штип, донесен е и буџетот на локалната самоуправа за идната година.

Вкупниот буџет на Општина Штип за 2018 година е проектиран на сума од 942.425.000 денари, а основниот буџет изнесува 474.595.000 денари. Основната цел на буџетот е да ги намали непродуктивните трошоци и да обезбеди простор за реализација на политиките на новата локална власт. На тој начин ќе се обезбеди простор за мерки и проекти коишто ќе значат зајакнување на социјалната кохезија помеѓу граѓаните и зголемување на квалитетот на живот во нашата општина.

Во буџетот за 2018 година предвидено е реализирање на мноштво капитални проекти. На пример, капиталните инвестиции, коишто се најважен дел за развојот на градот, се позиционирани 180.000.000 денари.

Министерството за образование и наука и Фондот за иновации и технолошки развој распишаа јавен повик за финансирање на научно-истражувачки проекти во основните и средните училишта „Предизвик за млади истражувачи“. Овој проект денес во Општина Штип беше претставен на образовните работници од штипските училишта.

Општина Штип продолжи со реализација на програмата за одбележување на денот на градот, патронот на „Свети Никола“. Прво беше оддржана Света архиерејска литургија во соборниот храм „Свети Никола“   по што следеше Литија на релација: Соборен храм Св.Никола до градскиот плоштад каде беше извршено кршење на празничниот колач. Празнична беседа оддржа Митрополитот на Брегалничката епархија г.Иларион а свое обраќање имаше и градоначалникот на Штип, Благој Бочварски:

Градоначалникот на Штип, Благој Бочварски , во пресрет на одбележувањето на Денот на градот „19 декември“ и патрон на Штип „Свети Никола“, ги додели наградите „19 декември“ орденот „Свети Никола“. Највисокото одличје, орденот постхумно го доби починатиот и воедно прв претседател на независна Македонија, Киро Глигоров:

Градоначалникот на Штип, Благој Бочварски , во прерсет на одбележувањето на Денот на градот „19 декември“ и патрон на Штип „Свети Никола“, денес ги објави имињата на добитниците на наградите и на орденот „Свети Никола“. Највисокото одличје, орденот го доби починатиот и воедно прв претседател на независна Макеоднија, Киро Глигоров:

Градоначалникот на Штип, Благој Бочаврски денес имаше средба со Амбасадорот на САД во Македонија, Џес Бејли.Ова е прва посета на американскиот амбасадор на Штип по назначувањето на Бочаврски за градоначалник на Штип.

Тие двајцата разговараа за идната соработка со цел понатамошен развој на штип како центар на источна Македонија. По средбата со градоначалникот Бочаврски, амбасадорот Бејли замина на Универзитетот „Гоце Делчев“.

Градоначалникот на Штип, Благој Бочварски оддржа прва средба со претставници на Невладините организации. Целта на средбата е да се воспостави соработка и да се разменат мислења околу можностите локалната самоуправа со средства од буџетот да финансира проекти од граѓанскиот и невладиниот сектор:

Претставници на Општина Штип стапија во контакт со претставници на Здружението за заштита на животните „Живот“ со цел решавање на проблемот со прекумерна бројност на бездомните кучиња. Во моментов, во соработка со ЈП „Стипион“ и ЈП „Исар“ се разгледуваат можности за привремено решение како привремен стационар, којшто би можел да се наоѓа кај локацијата Новакова Чешма.