Градоначалникот на Штип Благој Бочварски, денес оствари средба со Едмонд Адеми, министер без ресор задолжен за дијаспората.

- Средбата е за реализација на наш проект, за отворање на канцеларија за соработка со дијаспората, низ цела Македонија. Штип е првата општина која ја посетуваме и со градоначалникот разговаравме за техничките и оперативните можности да се отвори канцеларија во Штип за сограѓаните кои живеат и доаѓаат во Штип - истакна министерот Адеми

Според Адеми, се уште нема точна статистика за бројот на иселени од Македонија:

- Од она што го знам од Агенцијата за иселеништво, оперативно калкулираат со бројка од околу 500.000 граѓани кои се на постојана или привремена работа надвор од Македонија и тоа е малку потешко да се обезбеди.

Градоначалникот Бочварски вети поддршка за реализација на овој проект:

- Сакам да го поздравам овој проект и да кажам дека ние како Општина Штип ќе соработуваме на овој проект за да им излеземе во пресрет на потребите на граѓаните.Разговараме и за конкретни простории, да приспособиме канцеларии во општината, во оваа зграда, но треба прво да се реконструираат и ако се започне со проектот да бидеме подготвени за тоа. Благодарност што сме прва општина во земјава во спроведување на овој проект.

Средбата се оддржа во кабинетот на градоначалникот и ова е прва посета на министерот Адеми на Штип.