Во рамки на кампањата на светско и на национално ниво „16 дена активизам за борба против родово базираното насилство“, Општина Штип на 7 декември 2021 год се вклучи со организирање на тематска трибина „СТОП за родово базираното насилство“.  Предавачи беа претставниците од три институции: од СВР- Штип, командир на полициска станица Драган Данев, од ЗГ ЕХО- правен застапник Благица Киров и од ЦСР – Штип, социјален работник Зорица Богданова. На трибината на присутните им се обрати и градоначалникот на Општина Штип, Иван Јорданов кој истакна дека Општината мора да води грижа за сите граѓани, за нивната благосостојба, здравје и безбедност. Во таа насока, родово базираното насилство е деструктивна појава во заедницата против која мора да се борат сите релевантни чинители , со заеднички, координиран и повеќеинституционален пристап. Само така може да се постигне успех и да се намали ова зло на денешницата. Жените и девојките како претставнички на понежниот пол, не смеат да бидат изложени на никаков облик на насилство, вклучувајќи го физичкото, сексуалното, психолошкото, економското насилство. Затоа во иднина ние како општина, ќе дадеме поддршка на институциите кои професионално и системски се борат против насилство врз жени и девојчиња.

Во рамките на Програмата за еднакви можности на жените и мажите за 2021 година предвидена е активност – едукативни предавања за спречување на насилство кај малолетни лица. За реализација на оваа активност инспектори од Одделението за превенција во СВР  Штип, одржуваат предавања во  сите основни училишта во општината.

Од 20 до 22 Октомври во Охрид беше одржана обука на тема „Ракување со стрес и техники за заштита од професиоално прегорување“. На обуката учествуваа секретарот на општината Соња Китанова и Локалниот координатор за еднакви можности Сунчица Ѓуфтеска.

На 27.02.2020 година во ЗЕЛС Тренинг Центарот во Скопје, по иницијатива на ЗЕЛС се одржа работилница на која учествуваа координаторите за еднакви можности помеѓу жените и мажите во општините, државниот секретар во Министерството за труд и социјална политика, Јована Тренчевска и претставничка од Секторот за еднакви можности од оваа институција, а присуствуваше и претставник од подржувачите на овие активности од Телото на UN Women во Скопје.

На 12 февруари 2020 година во Хотел Оаза во Штип се одржа трибина за промоција на кампањата „Механизми за заштита и спроведување на законот за спречување и заштита од дискиминација на локално ниво“ . Трибината беше оганизирана од страна на Мрежата за заштита од дискриминација во соработка со Локалното координативно тело за заштита од дискриминација на Општина Штип и координаторката на телото.

На 16 декември 2019 во простриите на Општина Штип се одржа средба на градоначалникот на Општина Штип, Благој Бочварски со претставници на Мултисекторските тимови на заедницата на општините Штип и Струмица. Овие тимови беа формирани во 2017 година, а целта на нивното создавање беше да се направи еден поорганизиран и координиран пристап во решавањето на проблемот со родово базираното насилство во општините.