Денеска градоначалникот на Општина Штип, Благој Бочварски оствари средба со амбасадорката на Обединетото Кралство на Велика Британија и Северна Ирска, Рејчел Галовеј.

Градоначалникот Бочварски ја извести амбасадорката за инфраструктурните зафати и тековните работи во Општина Штип.

Локалната самоуправа работи посветено на подобрување на општественото живеење и затоа ваквите средби со претставници од поразвиените земји се секогаш во корист, со цел превземање на добри практики и унапредување на квалитетот на живеење за граѓаните.

„Се заблагодарив за поддршката од Британија на Македонија за влезот во НАТО алијансата, што значи дека нашата земја е рамо до рамо со сите НАТО сојузници,“ изјави градоначалникот Бочварски.

Градоначалникот Бочварски и амбасадорката Галовеј го посетија мултимедијалниот центар, кадешто е спомен собата на Киро Глигоров, првиот претседател на Македонија.

„Ова е можност и за мене да се сретнам со луѓе надвор од Скопје и да слушнам кои се прашањата коишто се важни за луѓето од другите градови.
Градоначалникот ме информираше за неговите приоритети, за инфраструктурата, за економијата и разговаравме за тоа како да ја продлабочиме соработката во иднина,“ изјави амбасадорката.