Денеска градоначалникот на Општина Штип, Благој Бочварски заедно со директорите на двете јавни претпријатија извршија увид во почнатите градежни активности во коритото на река Отиња кај Ново Село.

Се работи за уредување на дел од коритото, кадешто јавните претпријатија во идниот период ќе вршат, земјени работи, бетонирање на коритото, изградба на пешачка патека, ќе се работи на систем за наводнување и поставување на урбана опрема.

„Се работи за проект којшто го ветивме и којшто сакаме да продолжиме со реализација и да го завршиме во текот на оваа година.

Се работи за 500 метри од мостот на црквата СВ. Никола до вливањето на река Отиња во река Брегалница што значи дека ни останува да се доврши планирањето на земјените работи, на сипувањето на дел од коритото и веднаш потоа продолжуваме со бетонските работи,“ изјави Бочварски.