Вчера со одлука на Владата на Република Македонија, Општина Штип доби на трајно користење на градежно земјиште за изградба на детска градинка во населба Сењак 4. 

„Сакам да ја информирам јавноста во Општина Штип дека вчера на седница на Владата на Република Македонија е доделено градежно земјиште за изградба на детска градинка во населба Сењак, на Општина Штип. Ова е уште еден чекор во насока на изградба на еден од најголемите капитални проекти којшто го ветивме во предизборната кампања и со кој посебно се гордееме. Токму затоа ја информирам јавноста дека се работи за парцела од 5518 м2 каде што ќе се изгради градинка за околу 200 дечиња. Наредниот чекор е да ги добиеме средствата кои се веќе изгласани на источен плански регион од околу 16.000.000.00 денари, а Општина Штип ќе го покрие остатокот од својот буџет со нешто повеќе од 20.000.000.00 денари. Очекувам во април месец да дојде одлуката за овие средства и ние во најскоро можен период ќе распишеме тендер за изведувач на детската градинка“ - рече градоначалникот Бочварски.