Денеска градоначалникот на Општина Штип, Благој Бочварски изврши увид во акцијата „Пролетно чистење и уредување“ која се одвива во населба Сењак. Во оваа акција се вклучени штипските јавни претпријатија и институции, кои покрај нивните тековни активности, во неделниот план за работа вклучија и активности фокусирани токму на оваа урбана заедница. Изминатите денови во Сењак се чистеше смет, се средуваа старите дрвја коишто претставуваа опасност по имотот и безбедноста на жителите, се чистеа дивите депонии, се обележуваше хоризонталната патна сигнализација.

Денеска во работна посета на Штип беа претседателот на Влада на Република Македонија, Зоран Заев, и министерката за труд и социјална политика, кои заедно со градоначалникот на Општина Штип одржаа работна средба на којашто присуствуваа и работодавачи – претставници на бизнис заедницата од Штип. На работната среда се разговараше за Оперативниот план за вработување и услуги на пазарот на трудот за 2018 година.

Денеска градоначалникот на Општина Штип, Благој Бочварски, по повод Светски ден на лица со аутизам, го посети Дневниот центар за деца со аутизам во населба Пребег.

Новата локална и централна власт продолжува да се грижи за најранливите категории граѓани во нашата држава. Ние како Општина Штип покрај решавањето на тековните проблеми и инфраструктурните зафати, се грижиме и за социјалната димензија на општественото живеење и затоа во соработка со Министерство за труд и социјална политика им излегуваме во пресрет на дечињата без родители.

Денеска градоначалникот на Општина Штип, Благој Бочварски присуствуваше на деловната средба помеѓу компаниите од регионалната комора во Штип и во Битола. На оваа средба присуствуваше и претседателот на стопанската комора, Бранко Азески.

Денеска градоначалникот на Општина Штип, Благој Бочварски, присуствуваше на отворање на регионална дебата за воспоставување заштитени подрачја во сливот на река Брегалница. На дебатата, меѓу другите, присуствуваше и заменик министерот за животна средна и просторно планирање, Јани Макрадули.

Градоначалникот на Општина Штип, Благој Бочварски, присуствуваше на свечена академија по повод патрониот празник на Универзитетот „Гоце Делчев“, којшто денеска ја навршува единаесеттата година од своето постоење. На свечената акедемија свој поздравен говор имаше и министерката за образование, Рената Треневска Дескоска.

Денеска градоначалникот на Општина Штип, Благој Бочварски присуствуваше на средба со првиот претседател на Собранието во Р. Македонија, Стојан Андов, како и на  презентацијата на неговото творештво. На оваа средба присуствуваа и писателите Раде Силјан и Блаже Миневски, како и публицистите Љубомир Гајдов и Љупчо Арсовски кои говореа за творештвото на Стојан Андов.

Денеска градоначалникот на Општина Штип, Благој Бочварски присуствуваше на состанок за запознавање и информирање на присутните за активностите и целите на проектот „Можност за градење посилно граѓанско општество на локално ниво“, на којшто присуствуваа министерот без ресор задолжен за имплементација на стратегијата за ромите во Р. Македонија, Аксел Ахмедовски и претставници од повеќе невладини организации и здруженија.