Мрежата ФИСКАСТ, претставувана од Finance Think, АГОРА – Центар за промоција на граѓански вредности, Квантум Прима и ЛАГ Агро Лидер во соработка со Општина Штип во рамките на проектот „Подобрување на дијалогот за поголема финансиска транспарентност на општините, со фокус на парафискалните давачки” организираше работна средба за зголемување на соработката помеѓу локалните чинители и општината.

Целта на активноста е локалните чинители да станат активни страни во процесите на финансиската транспарентност на општините и носењето одлуки на локално ниво.

На работната средба се иницираше формирање на работна група која ќе биде од отворен карактер и во која може да учестуваат сите заинтересирани граѓани кои делуваат на локално ниво и придонесуваат за развојот и добробитта на локалната заедница, а претставуваат различни засегнати страни: неформални и формални здруженија на граѓани, медиуми, бизниси, уметници, спортисти, активисти и др. Секоја заинтересирана организација или активист кој/а сака активно да делува за подобрување на транспарентноста на општината може да се пријави во работната група преку испраќање на емаил порака на следната адреса: This e-mail address is being protected from spambots. You need JavaScript enabled to view it

Проектот е финансиран од страна на Делегацијата на Европската Унија во С. Македонија и во него се вклучени 18 општини од целата држава.