Денеска градоначалникот на Општина Штип, Благој Бочварски присуствуваше на деловната средба помеѓу компаниите од регионалната комора во Штип и во Битола. На оваа средба присуствуваше и претседателот на стопанската комора, Бранко Азески.

„Со моето присуство на оваа деловна средба помеѓу компаниите од регоналните комори во Штип и Битола, давам пример како градоначалник дека ја даваме својата поддршка на стопанските комори во развојот на бизнис секторот во овие два региона. Многу е важно освен тоа што нашите комори соработуваат со странски комори и претпријатија, да соработуваат и да се доближуваат меѓусебно за да имаат и сопствен бенефит, да вработуваат што е можно повеќе граѓани со сериозни и пристојни плати, но и ние политичарите да го даваме својот придонес, да учиме од нивните секојдневни проблеми за да можеме тие проблеми да ги решаваме, делумно преку законски решенија делумно преку наша поддршка од Општините. Сакам да го поздравам овој прв чекор на соработка помеѓу двата регионални центри, бидејќи Штип и Битола се значајни центри во Република Македонија, “ изјави градоначалникот Бочварски.

Градоначалникот на Општина Штип, Благој Бочварски имаше и поздравно обраќање пред присутните. На оваа средба присуствуваа и претседателот на регионалната комора во Штип, Наум Барзов и претседателот на регионалната комора во Битола, Мирко Велковски кои исто така имаа свои обраќања.