Во салата на мултимедијалниот центар „Киро Глигоров“ се одржа настан „Спортист на годината“ во општина Штип.

Салата на мултимедијалниот центар беше преполна со познати спортисти, спортски работници кои давале голем придонес за развој на спортот во Штип.

Наградени се повеке спортисти, спортски работници и спортски клубови по различни спортови и во повеке категории.

Сите овие признанија и награди за 2019 година се доказ дека Штип има надежни спортисти и дека успесите се резултат на напорната работа.

Комисијата за спорт составена од советници и спортисти заеднички за „Спортист на годината“ во општина Штип го избраа Емил Павлов, кој е двократен европски шампион, а изминатата 2019 година е освојувач на Премиер лигата во Москва.

„Почитувани спортисти и спортски работници,

Вашите лични и колективни успеси се огледалото на овој град, затоа ви благодарам што во вистинско светло го претставувате нашиот град и нашата држава насекаде од светот.

Оваа година заслужено наградата „Спортист на годината“ оди во рацете на нашиот каратист Емил Павлов. Емил Павлов е двократен европски првак, несомнено најдобар во нашата држава, а изминатата 2019 година е и освојувач на Премиер лигата која се одржа во Москва.

Напорната работа, борбеноста, ентузијазмот и енергијата се секогаш вистинската формула за успех.

Токму таа формула ја применува нашиот Емил Павлов, личност којашто покажува дека Штип може да котира високо на европската агенда и личност од којашто можат многу млади спортисти да научат,“ кажа градоначалникот Бочварски во своето обраќање.