Оваа година го доделуваме Орденот Свети Никола на еден наш истакнат сограѓанин, кој повеќе не е меѓу нас.

Орденот Свети Никола се доделува на Никола Кљусев, првиот премиер на експертската Влада од независноста на нашата земја.

,,Штип го дал и првиот претседател на  Македонија ,Глигоров  како и првиот премиер во експертската Влада – Никола Кљусев. Тоа се факти кои треба сите заеднички да ги уважуваме а со тоа да го промовираме нашиот град како колевка на државата. Тоа треба да го правиме сите, без разлика на нашата партиска припадност и на нашите политички убедувања . Затоа што само така, на тој начин, ќе ја унапредуваме позицијата на нашиот град.

Со одликувањето на Никола Кљусев од моја страна покажуваме  на дело дека сме одлучни да работиме на зацврстување на општествената кохезија која ни овозможува напредок, раст и развој. ‘’истакна градоначалникот Бочварски

Покрај орденот св .Никола  оваа година признание ќе добие Касарната ВТОР ПЕШАДИСКИ БАТАЉОН ,,Јане Сандански’’ од Штип која ќе стане база на најмоќниот воен-политички сојуз во светот , а со тоа Штип ќе биде вграден во мапата на Нато алијансата.

Стојан Троицки еден од основоположниците на нашиот најреномиран и меѓународно етаблиран фестивал на забавна мелодија ,, Макфест’’ .Фестивал кој поминал многу премрежја, а оваа година според многу музички експерти се враќа на вистинските патеки. Наредната година го имаме јубилејното 35 издание.

Лилјана Крстевска дипломиран социјален работник со 40 годишно работно искуство од областа на социјалната работа и маргинализираните групи.

Дваесет години е претседател на Центарот за поддршка на лица со интелектуална попреченост ,, Порака’’каде што со својата работа допринесува овие лица активно да бидат вклучени и вложени во многубројни активности од општествениот живот.