Продолжуваат градежните активности во коритото на река Отиња на потегот кај Ново Село, односно од мостот кај црквата „Свети Никола“ до мостот кај Ректоратот на УГД.

Градоначалникот на Општина Штип, Благој Бочварски изврши увид во активностите. Се работи на уредување на земјените работи, а потоа ќе следува и бетонирање.

Општина Штип ќе распише тендерска постапка за уредување на овој дел од коритото, односно поставување на нови клупи, корпи за отпадоци и патека со бехатон.

„Градежните активности се во полн ек. Ова е најпроблематичната делница, бидејќи имаше најголеми наноси од земја во долниот дел на коритотот на реката Отиња.

Денеска и утре ќе ги завршиме земјените работи и ќе продолжиме со бетонирање на коритото,“ изјави градоначалникот Бочварски.