За прв пат во Општина Штип се одржа Бизнис форум за текстилна и кожарска индустрија во координација со Амбасадата на Чешка во Скопје.

Овој бизнис форум е од огромно значење за Штип, кој важи за град на текстилот. Со овој Бизнис форум домашните компании воспоставуваат нови бизнис релазии за напредок на своите бизниси.

На овој бизнис форум свое обраќање имаше и градоначалникот Бочварски.

„Чест ми е што Штип беше избран за посета од ваша страна и за можноста да ги отвориме вратите кон светот. Ова за нас е големо значење и се надевам дека комуникацијата помеѓу вас и штипските стопанственици ќе продолжи и во иднина, со тоа што ќе се отворат нови можности и нови инвестиции со цел градот да продолжи да се развива во вистински правец,“ истакна Бочварски.

Исто така Амбасадорот Мирослав Томан го изрази своето задоволство за овој Бизнис форум, со желба за понатамошна соработка помеѓу бизнисмените, која ќе вроди со плод.