Денеска се одржа единаесеттата седница на Совет за развој на Источен плански регион, на која присуствуваа 9 од 11 градоначалници односно членови на Советот за развој на Источен плански регион со што Советот имаше можност полноправно да одлучува.

На оваа седница со Дневен ред од 6 точки, се донесоа неколку одлуки, односно:

Одлука за трансфер на средства за реализација на проектот „Нашето заедничко минато – патека за заедничка иднина“ и Одлука за трансфер на средства за реализација на проектот „Културен мост низ вековите“.

На седницата на Совет за развој на Источен плански регион е избран нов претседател, Благој Бочварски градоначалник на Општина Штип. Досега оваа функција ја вршеше градоначалникот на Кочани, Николчо Илијев.

Градоначалникот Бочварски се заблагодари за укажаната чест и посочи дека соработката во овој регион ќе продолжи со иста динамика, со што бенефит ќе имаат сите општини од Источен плански регион.