Денеска градоначалникот на Општина Штип, Благој Бочварски заедно со директорите на јавните претпријатија оствари средба со директорот на Управа за санкции Јовица Стојановиќ и постојаниот твининг советник Аксел Бримле.

На состанокот се разговараше зајакнувањето на казнено – поправниот систем и пробациската служба.

„Денеска во Општина Штип имам една средба со господинот Бримле од Германија, којшто е раководител на проект за координација на неколку институции коишто треба да бидат на заедничка маса и заедно да работиме на подобрување на условите и користиње на новите методи во однос на осудените лица во Република Македонија. Овде заедно со нас е директорот на Управа за санкции, директорот на казнено-поправниот дом во Штип, судија од Основен суд и директорите на јавните претпријатија.

Јас сметам дека во Република Македонија не недостасуваат законски прописи, но многу често недостасува координација помеѓу институциите со цел да се реализира она коешто е пропишано со законите,“ изјави градоначалникот Бочварски.