Денеска градоначалникот на Општина Штип, Благој Бочварски заедно со директорот на ЈП „Исар“, Живко Тасев извршија увид во изградба на водовод за жителите на село Љуботен. Се работи за изградба на нова водоводна линија од 900 метри и реконструкција на резервоар. Изведувач на оваа активност е „Коле Транс“ и истата ќе чини 730.000 денари со ДДВ, од кои 450.000 денари се од Биро за рамномерен и регионален развој, а останатите од Општина Штип.

„Денеска се наоѓаме во село Љуботен, релативно мало село не има одредени проблеми коишто уште од предизборието најавивме дека ќе им излеземе во пресерет. Овде живеат околу 25-30 жители, но има и граѓани коишто довајѓаат овде.

Досега имаше еден стар водовод којшто беше надвор од функција со многу проблеми и токму затоа влеговме во реализација на нов водовод заедно со две приклучни шахти заедно со еден резервоар.

Целата инвестиција е 730.000 денара од кои дел се обезбедени од Биро за регионален и рамномерен развој,“ изјави градоначалникот Бочварски.