Денеска градоначалникот на Општина Штип, Благој Бочварски оствари средба со градоначалникот на Општина Прилеп, Илија Јовановски и претставници од компанијата „Витаминка“ којашто инвестира во Општина Штип. На оваа средба се зборуваше за заеднички активности кои се приоритет на двете општини, Штип  и Прилеп.

„Денеска овде во Општина Штип имаме прва ваква средба со градоначалникот на Општина Прилеп. Какошто најави тој ова е наша прва ваква средба, но не и прв контакт бидејќи ние постојано комуницираме и во рамките на ЗЕЛС со што се координираме, заедно размислуваме и заедно ги решаваме проблемите. Нашите две општини генерално се соочуваат со исти или слични проблеми.

Општина Штип и Општина Прилеп во овој момент е во фаза на гасификација или во фаза на изработка на гасификација на нашите општини со што ќе дојдеме до намалување на загадувањето, до заштеди на бизнис секторот и на граѓаните.

Во иднина ќе оствариме средба и во Општина Прилеп со што ќе можеме заеднички да ги решаваме проблемите на нашите две општини,“ изјави Бочварски.

По средбата, градоначалниците и претставници од „Витаминка“ имаа посета на фабриката „Брилијант“ којашто е во сопственост на „Витаминка“.

За време на посетата присутните беа запознаени со работата на оваа фабрика и идните чекори на истата.