Денеска градоначалникот на Општина Штип, Благој Бочварски заедно со раководителката на лер, образование и јавни дејности, Билјана Казанџиска присуствуваа на отворањето на спортски настан по повод Меѓународен ден на лицата со интелектуална попреченост во спортската сала „Јордан Мијалков“. Градоначалникот Бочварски со свое поздравно обраќање го отвори овој турнир.

„Овде нема победени и поразени, овде победник е толеранцијата, дружењето и искреното другарство помеѓу вас.Како градоначалник на Општина Штип ги поздравувам ваквите настани но со една порака и апел до сите чинители во општеството, дека помош и грижа треба да се пружи во текот на целата година, постојано, а не само на денот посебен за нив.

Сите заедно треба да се трудиме оваа категорија на граѓани бидат активни чинители во општеството и секогаш да пружиме рака кога е тоа потребно.Ви посакувам успешен спортски ден и ги прогласувам игрите за отворени,“ посочи Бочварски.

Овие настани се организираат традиционално секоја година, по повод 3 декември Меѓународниот ден на лицата со интелектуална попреченост. Годинава на овој спортски настан присуствуваа и дечиња од Свети Николе, Виница и Делчево.