Денеска во големата сала во Општина Штип се одржа Свечена академија по повод Светскиот ден на учителот – 5 октомври. На оваа академија присуствуваа учители од повеќе средни и основни училишта во градот, претставници од Државен просветителен инспекторат, комисија за образование во рамките на Совет на Општина Штип, Биро за развој на образование, проректор и ректор на Универзитет „Гоце Делчев“ Штип и од други културно-образовни институции.

Свој поздравен говор имаа раководителката на лер, образование и јавни дејности, Билјана Казанџиска и градоначалникот на Општина Штип, Благој Бочварски.

„Денеска по повод на просветните работници организираме еден настан овде во салата на советот на Општина Штип кадешто ќе имаме можност да се видиме, да поразговараме со професорите од основните, средните училишта и од градинките да им се заблагодариме за сето она што го прават во образовниот процес, за развојот и напредокот на нашето општество,“ истакна градоначалникот Бочварски пред медиумите.

Денеска на најуспешните наставници од различни основни, средни училишта и градинки се доделат признанија за посебно залагање и постигнати резултати во воспитно-образовната дејност од областа на предучилишно, основно и средно образование во Општина Штип.