Денеска градоначалникот на Општина Штип, Благој Бочварски присуствуваше на средба со првиот претседател на Собранието во Р. Македонија, Стојан Андов, како и на  презентацијата на неговото творештво. На оваа средба присуствуваа и писателите Раде Силјан и Блаже Миневски, како и публицистите Љубомир Гајдов и Љупчо Арсовски кои говореа за творештвото на Стојан Андов.

„Чест ми е што Општина Штип е домаќин на овој значаен настан, промоција на книга на истакнатиот македонски политичар и прв претседател на Собранието на Република Македонија, Стојан Андов.Сакам да ги поздравам присутните на овој настан, претставници од политички партии, вработени во Општина Штип, луѓе коишто години наназад работеле во просветителската дејност. Да се заблагодарам на истакнатите писатели Раде Силјан и Блаже Миневски како и на публицистите Љубомир Гајдов и Љупчо Арсовски кои го образложија творештвото на Стојан Андов.Делото на Стојан Андов игра важна улога во подигање на свеста на нашите сограѓани, за тоа колку е тешко да се создава држава, да се соочува со предизвиците коишто секојдневно надвиснуваат. Тоа е задача која бара многу трпеливост, ум, знаење и храброст.Делото јасно укажува дека на патот кон напредокот на нашата татковина, на патот кон интегрирање во ЕУ и НАТО, нашите сограѓани треба да дадат максимална поддршка, се со цел Република Македонија да се издигне на ниво на кое заслужува. Ние како локална власт и во иднина ќе поттикнуваме вакви настани кои се чекор повеќе за културата во нашиот град“ – во својот поздравен говор рече градоначалникот Бочварски.