Во близина на сите основни и едно средно училиште во Штип, започнато е со поставување на заштитни огради и тоа: ООУ „Ванчо Прке“, ООУ „Димитар Влахов“, ООУ „Тошо Арсов“, ООУ „Гоце Делчев“, ООУ „Славејко Арсов“ и СОУ „Коле Нехтенин“.

Се работи за заштитни огради од 530 метри и висина на инвестиција од 900.000 денари.

„Безбедноста на учениците од училиштата и граѓаните е најважна. Ветивме безбедност во сообраќајот на булеварот "Гоце Делчев" кај средното електро-машинско училиште "Коле Нехтенин", а денес ја завршуваме третата мерка со поставувањето на заштитни огради,“ изјави Бочварски.

Општина Штип претходно го реализираше кружниот тек и постави вибрациони ленти за намалување на брзината во сообраќајот во овој дел од градот.