На почетокот на тековната 2020 година ЈП „Стипион 2011“ започна со реконструкција на површина за пешаци. Се работи на обновување на старата и дотраена бетонска површина на тротоарот на улица Енгелсова.

Градоначалникот Бочварски заедно со директорот на јавното претпријатие извршија увид во градежните активности на овој тротоар.

„Започнуваме со реконтрукција на тротоар на улица Енгелсова во населбата Осми Ноември. Се работи за површина од 1025 метри квадратни и вредноста на овој зафат е 1,6 милиони денари,“ изјави градоначалникот Бочварски.

Општина Штип ќе продолжи со реконструкција на инфраструктурата кадешто е најпотребно и приоритетно барање на граѓаните.