Денеска градоначалникот на Општина Штип, Благој Бочварски заедно со директорот на ЈП „Стипион 2011“ извршија увид во градежните активности во населба Железничка. Екипите на ЈП „Стипион 2011“ работат на тампонирање на крак на улица во населба Железничка.

„Денеска се наоѓаме во населбата Железничка кадешто започнуваме да реализираме неколку инфраструктурни зафати. Овде имаме доста улици коишто се со земјена подлога и се доста неповолни за движење на граѓаните во неповолни временски услови, така што започнавме да работиме на еден крак којшто е со 700 м² димензија и 170 метри должина. Овој крак ќе биде изработен од ЈП „Стипион 2011“ до фаза на тампонирање и неговата вредност е 275.000 денари.

Откако ќе завршиме се префрлуваме на уште една улица овде во населбата Железничка со малку поголема димензија. Се работи за 2800 м² и 800 метри должина. Така што овие активности на Општина Штип и на ЈП „Стипион 2011“ се насочени кон подобрување на инфраструктурата на граѓаните.

Ветивме дека до секој граѓанин, до секој дом ќе обезбедиме подобри услови за пристапување и подобри услови за живот со тоа на нашите сограѓани,“ истакна градоначалникот Бочварски.

Општина Штип во овој дел од градот инвестира уште дополнителни 650.000 денари на нови улици коишто ќе бидат асфалтирани во должина од околу 300 метри. Ќе се работи и на пристапен тротоар на самиот влез од градот, од населба Железничка до Кампус 4.