Градоначалникот на Општина Штип, Благој Бочварски упатува честитки по повод 23 мај- Национален ден на Власите, во која се вели:

„Упатувам искрени честитки до моите сограѓани, припадници на влашката заедница, по повод 23 мај – Националниот ден на Власите.

Ја користам оваа прилика да ви упатам честитка со искрени желби за ваш личен успех.

Сите заеднички сме заслужни и даваме несебичен придонес за градење на заедништвото и меѓусебната почит во ова наше мултикултурно и мултиетничко општество.

Вие, како и сите други етнички заедници со вашите култури и традиции го создавате епитетот на Штип – центар на истокот и репер за многу општини во државата.

Во моменти кога нашите сили се насочени единствено кон справување со оваа пандемија, заеднички да си посакаме многу здравје, среќа и успеси.

Имајте убави празнични моменти, поминати во семеен амбиент,“

стои во честитката од градоначалникот Бочварски.