Општинскиот штаб за заштита и спасување ги донесе следните заклучоци:

Започнуваме со таргетирана дезинфекција на повеќе локации:

➡️ Пред сите текстилни компании

➡️ Автобусите и останатите превозни средства во кои се превезуваат текстилните работници и работнички

➡️ Угостителски објекти кои имаат потреба од поддршка за дезинфекција пред нивните локали

➡️ од денес волонтерите на Општина Штип започнуваат со акција на делење на заштитни маски пред текстилните фабрики.

Ги повикуваме сопствениците на транспортните компании и сопствениците на угостителските објекти кои имаат потреба од поддршка во дел на дезинфекција на објектите, да се обратат до Општински штаб за заштита и спасување со цел подобра координација во наредните активности.

Командантот на штабот Благој Бочварски упати апел до граѓаните , да бидеме внимателни и дисциплинирани во наредниот период, со цел поголема заштита на сите нас.

Институциите ќе ги превземат своите активности, потребна е поддршка од секој еден граѓанин и секоја компанија.