Врз основа на член 78 став 5 од Изборниот законик („Службен весник на РМ“, број 32/14-пречистен текст, 196/15, 35/16, 31/2015, 196/2015, 35/2016, 97/2016, 99/2016, 136/2016, 142/2016, 57/2017, 67/2017, 125/2017, 35/2018, 99/2018, 140/2018, 208/2018, 27/2019) и член 2 став 2 од Одлуката за утврдување на местата на кои можат да се истакнуваат изборни плакати („Службен гласник на Општината Штип“, број 09/06 и 07/11), Градоначалникот на Општина Штип, на 25.02.2019 година утврди

У С Л О В И

ЗА ДОБИВАЊЕ МЕСТА НА КОИ МОЖАТ ДА СЕ ИСТАКНУВААТ

ИЗБОРНИ ПЛАКАТИ ЗА ПРЕТСЕДАТЕЛСКИ ИЗБОРИ 2019

1.Место за итакнување на изборни плакати може да добие секоја регистрирана политичка партија самостојно, коалиции, како и група избирачи (во понатамошниот текст: подносител на листа за кандидат за претсатедател на Републиката) врз основа на одобрение од Градоначалникот на Општината Штип.

2.За добивање одобрение, подносителот на листата е должен да поднесе барање до Општината Штип.

3.Со барањето треба да достави полномошно од овластено лице за поднесување на барањето издадено и заверено од подносителот на листата. Местата за истакнување плакати, одделението ќе ги подели по пат на ждрепка. Ждрепката ќе се изврши по објавување на утврдената кандидатура за претстедател на Републиката од страна на надлежната изборна комисија. За денот на ждрепката, организаторите на изборната кампања ќе бидат известени преку јавните гласила во Општина Штип.

4.Одобрението, со прецизно назначување на местото за истакнување на изборни плакати, одделението ќе го издаде во рок од 3 дена од денот на одржаната ждрепка.