Градоначалникот на Општина Штип, Благој Бочварски, денеска по повод големиот верски празник Рамазан Бајрам упати честитка до сите верници од исламската вероисповест во општината, во која се вели:

„Дозволете ми на сите верници од исламска вероисповест во нашата општина и во нашата земја да ги упатам моите искрени честитки по повод големиот верски празник Рамазан Бајрам, со желби за добро здравје, успешна и плодотворна работа. Во оваа прилика сакам да ги изразам моите искрени заложби за почитување на верската различност и негување на меѓусебната толеранција, како универзални вредности врз кои е основано современото општество. Со тоа сите даваме огромен придонес во заедничкиот стремеж за просперитетна иднина на сите граѓани на нашата општина и нашата земја. Нека овој празник донесе радост и среќа, успех и напредок, мир во душата и зближување на срцата,“ стои во честитката од градоначалникот Бочварски.