Во претходниот период се работеше на темелни реконструкции во детската градинка Цветови. Со донација од Јапонската амбасада, се променија прозорите кои беа стари и дотраени и котелот за греење, а додека со финансии од Општината оваа детска градинка набави нов мебел, завеси и теписи.

Градоначалникот Бочварски заедно со директорката на оваа детска градинка извршија увид во завршените активности.

„Денеска сме на увид во детската градинка Цветови во завршените реконструкции во овој клон. Се работи за инвестиција од околу 4,8 милиони денари од кои дел се наша инвестиција, а дел се донеција од Јапонска амбасада“, кажа градоначалникот Бочварски.

Директорката Трајчевска кажа дека ова е многу значајна инвестиција за овој клон, бидејќи после подолг период се реконструираат старите и дотраени работи.