Општина Штип се грижи за потребите на јавните претпријатија за зголемување на капацитетите на возните паркови кои ќе бидат во служба на граѓаните.

Јавното претпријатие Исар има набавено две нови машини, а додека јавното претпријатие Стипион има добиено возило „Пајак“ и комбе за потребите на претпријатието.

ЈП „Стипион 2011“ после 30 години набави возило за чистење снег со што дополнително се олеснува чистењето на снег во градот.

„Набавивме ново возило за чистење снег кое е погодно за сите делови од градот. Ваков тип на возило се набавува после 30 години и значително се олеснува работата на јавното претпријатие во снежни услови. Вредноста на ова возило е 2,1 милион денари плус ДДВ,“ изјави градоначалникот Бочварски.