Општина Штип работи на уредување на пешачката инфраструктура на еден од влезовите во општина Штип. Се работи за изградба на тротоар во должина од 1250 метри со што се овозможува побезбедно движење на граѓаните кои секојдневно поминуваат во тој дел од градот.

Општина Штип инвестураше 2,3 милиони денари, а изведувач на овој градежен  зафат е Фабрика Карпош Скопје.

„Испроектиравме тротоар којшто служи не само да го разубави овој дел од градот, туку и за движење една убава пешачка патека за граѓаните, пред се овде мислам и на студентите коишто се движат кон Кампус 4.

Така што ќе можат да имаат услови за безбедно движење овде по еден нов тротоар којшто е со должина од 1250 метри и квадратура од 1900 метри квадратни.

Се работи на инвестиција на Општина Штип од 2,3 милиони денари,“ изјави Бочварски.

Општина Штип дополнително ќе постави и клупи за граѓаните и улично осветлување, со што влезот на градот ќе добие нов поубав лик.