Денеска градоначалникот на Општина Штип, Благој Бочварски изврши увид во градежните активности во населбата Пребег на обиколницата. Веднаш по подобрените временски услови, се работи на изградба на врска помеѓу улиците Гоце Делчев и Алумина.

„Се наоѓаме на самиот влез во градот, на булеварот Гоце Делчев да објавиме продолжување на градежните активности на новиот кружен тек.

Сакам да најавам дека Општина Штип оваа градежна сезона започнува офанзивно, со големи крупни градежни зафати на втората фаза од обиколницата, којашто чини 10,5 милиони денари и веќе е во некоја средна фаза од нејзината реализација,“ изјави Бочварски.