Денеска градоначалникот на Општина Штип, Благој Бочварски изврши увид во градежните активности во населба Железничка. Се работи за 4 краци од улици со должина од околи 300 метри, кои се тешко пристапни за жителите на населба Железничка. Денеска се започна со асфалтирање на тој дел од Железничка, каде најповолниот економски оператор ОСД ДООЕЛ Скопје ќе асфалтира во наредните денови.

„Денеска сме во населбата Железничка кадешто продолжуваме со градежната офанзива. Добро е што во текот на оваа година, во овој временски период сеуште не служи времето да можеме да работиме на градежни зафати во дел на асфалтирање на нови улици.

Работиме на нови 4 краци во населбата Железничка во должина од околу 300 метри, се работи за инвестиција на Општина Штип во висина од 650.000 денари.  Овде сеуште немаше пристојни услови за живот на граѓаните коишто живеат овде, токму затоа во претходниот период работевме на проектирање на неколку улици и краци и веднаш се зафативме со распишување на јавна набавка, којaшто заврши и денеска се работи на асфалтирање на овие краци,“ изјави Бочварски.

Општина  Штип работи темелно на решавање на проблемите на граѓаните. Во иднина продолжуваме со подготовка на проекти за идната година.