Денеска градоначалникот на Општина Штип, Благој Бочварски оствари работна средба со Министерот за внатрешни работи, Оливер Спасовски и Директорот на Биро за Јавна безбедност, Сашо Тасевски.

„Денеска овде во Општина Штип на гости е Министерот за внатрешни работи, Оливер Спасовски и Директорот на БЈБ. Разговаравме за повеќе теми, меѓу кои и за работата на МВР и СВР Штип, за координацијата којашто ја имаме помеѓу СВР Штип и Општина Штип со што го информирав и министерот дека имаме одлична соработка со СВР Штип и во делот на сообраќајот и во делот на сите други сегменти коишто не тангираат. Такашто во другиот дел го информирав за сите активности коишто ги превзема Општина Штип, за нашите ингеренции во делот на инфраструктурата, такашто се запознавме за редовните активности. Разговаравме и за претстојниот референдум, како се движи ситуацијата овде на локално ниво, дека генерално е мирно и во недела очекуваме мирен ден, да граѓаните слободно излезат и го дадат својот глас на претстојниот референдум,“ стои во изјавата на градоначалникот Бочварски.

Министерот за внатрешни работи, Оливер Спасовски и Директорот на Биро за Јавна безбедност, Сашо Тасевски во рамки на посетата во Штип, го посетија и Секторот за внатрешни работи Штип, при што остварија средба со началникот на СВР Штип.