Градоначалникот на Општина Штип, Благој Бочварски, денеска присуствуваше на трибината „Придобивски и предизвици од ЕУ ориентирано земјоделство“. Станува збор за трибина организирана од страна на граѓанската иницијатива „Зачекори напред“ и ЗЗП „Агропродукт“ Штип.

На трибината, градоначалникот Бочварски оствари средба со десетици земјоделци, со кои разговараа за перспективите на земјоделците во Европската Унија.

На трибината проектниот менаџер на Рурална Коалиција, Елизабета Ристеска – Мрческа, како и експерт/советник од областа на земјоделската пракса, им ја доближија на граѓаните Европската Унија и Заедничката Земјоделска Политика, како основна политика на уредување на секторот земјоделство и рурален развој, а за којашто за периодот 2021-2027 година се издвојуваат 375 милијарди евра или 40% од вкупниот буџет на ЕУ, а ќе има пренесување искуства и од страна на самите земјоделци коишто имале можност да користат фондови и средства од ЕУ.