Градоначалникот на Општина Штип, Благој Бочварски заедно со директорот на средното училиште Димитар Мирасчиев извршија увид во работните активности за реконструкција на просториите на ова средно училиште.

Во ова училиште набавени се нови врати, смарт табли, мебел за училници, а исто така реконструиран е и подот на спортската сала и дворното место пред училиштето.

„Во посета сме на ова училиште после подолг период и навистина ме радува тоа што директорот заедно со раководниот тим успеале да ја подобрат состојбата во ова училиште и да го подигнат бројот за запишани ученици,“ истакна во изјавата градоначалникот Бочварски.

Директорот на ова училиште потенцираше дека значително е зголемен бројот на ученици и дека и во наредните години ќе се работи на зголемување на бројката со тоашто оттука ќе произлегуваат кадри за подобрување на текстилот.