Вчера во организација на Општина Штип и Фондација за развој на локалната заедница – Штип се одржа граѓански форум во хотел „Оаза“.

На овој настан граѓаните од урбаните заедници учествуваа во градење на Буџетот на Општина Штип за 2020 година, преку свои конкретни предлози и мерки кои се значајни за подобрување на условите во средините во кои живеат и гравитираат.

На овој настан присутни беа, градоначалникот на Општина Штип, Благој Бочварски, претседателот на Совет на Општина Штип, Јане Миланов, директорите на јавните претпријатија и претставници од Фондацијата за развој.

Општина Штип преку ваквите настани ги вклучува граѓаните во носењето на одлуките и во решавање на приоритетните проблеми.

Ваквите дебати ќе продолжат со секоја урбана заедница за најважните потреби и проблеми на граѓаните да бидат внесени во Буџет за 2020 година.