Врз основа на Договорот за соработка помеѓу Агенцијата за вработување, UNPD и Општина Штип се објавува Јавен оглас за вклучување во Програмата Општинско-корисна работа.

Ги повикувам сите евидентирани невработени лица да се вклучат во Програмата за работно ангажирање, со скратено работно време, 20 работни часа неделно, за период од 9 месеци.

Право на учество во Програмата имаат сите невработени лица.

Работните позиции кои се опфатени со овој оглас се однесуваат на ангажирање:

-      Образовни асистенти - 5 извршители, со завршено високо образование од областа на педагошките студии, наставни профили, педагогија, психологија и дефектологија;

-      Негуватели во детски градинки - 3 извршители со завршено средно образование;

-      Негуватели за потребите на дневниот центар за деца со аутизам - 2 извршители, со завршено средно образование.

За кандидатите кои ќе бидат избрани и вклучени во програмата Општинско-корисна работа, се предвидени паричен надомест во висина од 9000 денари месечно.

Заинтересираните лица пријави за програмата можат да поднесат во Агенцијата за вработување во Штип од 01.08. до 14.08.2018 г.

Правата и обврските ќе бидат уредени со склучување договор помеѓу Општина Штип и избраните кандидати.

Огласот ќе биде објавен на официјалната интернет страница на Општина Штип, на огласната табла, во Агенцијата за вработување и во Центарот за социјални работи.