Вчера во туристичкиот инфо-центар Пониква се оддржа втора седница на Советот на ИПР.

На седницата прво беше оддржана конститутивна седница на Меѓуопштинскиот одбор за управување со отпад. На истата, градоначалникот на Штип, Благој Бочварски е избран за претседавач на овој одбор а донесена е одлука ова тело да се доекипира со нови лица кои ќе бидат претставници на секој од градоначалниците од регионот.Седницата се оддржа на иницијатива на стручната служба на меѓуопштинскиот одбор за управување со отпад.

Потоа беа разгледани неколку точки кои беа на дневен ред на Советот на ИПР.

Се разгледуваше предлог листата за годишни проекти на ИПР за 2018 година, за неизмирените обврски на локалните самоуправи кон ИПР како и листа на учесници за учество на обуки во рамките на Програмата за зачувување на природата Македонија – Фаза 2.