Опозициската ВМРО-ДПМНЕ освен да излегува на неаргументирани прес конференции нема способност за ништо друго!

Општина Штип преку јавните претпријатија секојдневно во дослух со граѓаните ги чисти и уредува јавно прометните површини и кантите за отпадоци.

Како резултат на домаќинското работење и заштеди на гориво и други трошоци во јавните претпријатија кои во време на ВМРО-ДПМНЕ биле многу повисоки, денес имаме поголеми капацитети за чистење и одржување на хигиена во општина Штип.

За потсетување на граѓаните во изминатите две години се направени акции на „Пролетно чистење и уредување“ во секоја урбана заедница, каде јавните претпријатија заедно со граѓаните работеа на уредување на зелени површини, замена на улични светилки, чистење на јавно прометни површини, уредување на дрвореди.

Изминатиот месец градоначалникот Бочварски заедно со јавните претпријатија беше присутен на еколошка акција во урбаната заедница Света Недела, каде се работеше на собирање смет и уредување на овој дел од градот.

Ги повикуваме ВМРО-ДПМНЕ да се вклучат во ваквите акции и активности за поубав и почист Штип, а не само пред изборите да излегуваат на прес конференции кои се единствено за политички поени и цели.