Опозициската ВМРО-ДПМНЕ кога обвинува за интензитетот на реализирање на проектите на сегашната локална власт, треба да одговори на јавноста зошто за време на осумгодишното владеење на локално ниво не направи ниту еден чекор за да го реши проблемот со водоснабдување на граѓаните во населбата Каваклија.

Иронично е за време на осумгодишно владеење да не се направи никаков обид за решавање на овој проблем, а после една година од мандатот на новата локална власт да се обвинува дека граѓаните немаат вода за пиење заради немање слух на локалната самоуправа.

Општина Штип изработува комплетна проектна документација и урбанистички план за изградба на резервоар што ќе донесе чиста и здрава вода за пиење на граѓаните од населба Каваклија.

Изготвувањето на овие потребни документи бараат темелна анализа заради запазување на сите законски прописи.

Времето на импровизирани водоводи, канализации, патни инфраструктури и дивоградби заврши со заминувањето на ВМРО-ДПМНЕ од власт.

Лажна е вашата грижа за потребите и проблемите на граѓаните затоа што за осум години власт, не направивте ништо.

Новата локална власт работи по пропишаните законски одредби во државата.