Почитувани,

На 11 февруари 2018 година навршуваат сто дена од преземањето на локалната власт од страна на градоначалникот на Општина Штип, Благој Бочварски.

По тој повод, Општина Штип организира настан на којшто ќе биде промовирана брошура којашто претставува резиме на изминатите сто дена и сите активности коишто биле реализирани или започнале со реализација.

Промоцијата на сработеното во првите сто дена власт ќе се случи во понеделник, на 12 февруари 2018 година, во голема сала на Општина Штип со почеток во 12 часот.

На настанот обраќање ќе има градоначалникот Благој Бочварски, којшто ќе зборува за сработеното во изминатите сто дена.

Заради целосна транспарентност, на настанот се поканети советниците од Совет на Општина Штип, директорите на јавните претпријатија и основните училишта во Штип, граѓани од урбаните и руралните заедници.

Го очекуваме Вашето присуство.

Со почит,

Кабинет на градоначалник на Општина Штип