Денес градоначалникот Бочварски изврши увид во градежните активности кој што се случваат во ОУ ,,Тошо Арсов''.

,,Една од активностите е целосна реконструкција на дворното место пред самото училиште, реконструкцијата би требало да заврши до крајот на оваа година за  да ова училиште добие нов модерен изглед и во дворното уредување.

Во внатрешноста се работи на санација на два тоалети. Оваа реконструкција чини 850 000 илјади денари, а дворното уредување е со вредност од 730 000 илјади денари.

Општина Штип распиша една групна јавна набавка со сите училишта со цел надвор пред училиштата да поставиме заштитни огради за безбедност на учениците. Со ова ќе ги заштитиме децата безбедно да излегуваат и влегуваат во училиштето.

Кога се сака се може, кога се има добра енергија возможна е реализација. За само две години покажавме дека може да се направи многу за основното образование.'' истакна Бочварски

Целата инвестиција изнесува 2 милиони денари кој Општина Штип ги отстапи на  ОУ ,, Тошо Арсов.'

Во населбата ,,8 Ноември'' булеварот, крак ЈНА, односно кракот од раскрсницата до самото училиште кој е целосно униште во тек е јавна набавка и истиот ќе биде реконструиран.

Директорката Фросина Маџарова со ентузијазам најави дека интензитетот и активностите нема да бидат намалени.„Продолжуваме со активностите и во наредната година, се надевам дека за време на летниот распуст ќе биде реализирана фасадата, промена на кровот и салата за спорт која е влезена во капитални инвестиции“