Градоначалникот на Општина Штип, Благој Бочварски заедно со раководителот на ПЕ на земјоделие, на покана на сопственикот на фармата Славик Фарм извршија увид во работата на истата.

Славик Фарм е позитивен пример за тоа како една успешна земјоделска фарма може да аплицира и да добие поддршка од Владата и Министерство за земјоделство, шумарство и водостопанство за понатамошен развој на сопствениот бизнис.

Сопственикот е добитник на грант од ИПАРД 2 програмата за приклучна механизација во висина од околу 110.000 евра.

Градоначалникот Бочварски во изјавата потенцираше дека Владата и Министерството ги знаат потребите на земјоделците и со мерките кои се спроведуваат, се поттикнуваат сите земјоделци да аплицираат за било каква помош.

Раководителот Иванов, истакна дека значително се подобрени условите за земјоделците особено за младите кои може да аплицираат и да добијат грант во висина од 20.000 евра.