Денеска градоначалникот на Општина Штип, Благој Бочварски заедно со директорот на ЈП „Исар“, Живко Тасев извршија увид во започнатите работни активности во населбата Дузлак, Сончев Град. По завршување на снежните наноси и лошите временски услови, веднаш се започна со градежни активности на јавното претпријатие Исар во оваа населба.

„Се разботи за изведба на 800 метри водоводна и 850 метри канализациона линија во оваа населба.

Објавуваме старт на градежните активности по однос на изградба на канализација и водовод, а веднаш потоа ќе пристапиме со изградба на улиците до овие објекти овде.

Сакам само да најавам дека овде ќе имаме 850 метри канализациона мрежа и 800 метри водоводна линија со инвестиција од околу 2,5 милиони денари,“ изјави Бочварски.

Во населбата Дузлак се продадени плацови во 2016 година, а до почетокот на 2019 година сеуште не беше започната изградбата на инфраструктура за корисниците.