Денеска градоначалникот на Општина Штип, Благој Бочварски изврши увид во асфалтирањето на пристапен пат до викен населбата Суитлак. Се работи за пат со должина од 1120 метри кој беше тешко пристапен за граѓаните кои живеат во тој дел од населбата Суитлак. Најповолниот економски оператор Ескаватори ќе изврши асфалтирање на овој пристапен пат.

„Се наоѓаме во викенд населбата Суитлак кадешто денеска се работи на асфалтирање на главната улица којашто ја ветивме пред изборите дека ке ја асфалтираме.

Согласно нашите можности еве денеска работиме на изградба и асфалтирање на  1120 метри улица во овој дел од градот.

Оваа инвестиција е на Општина Штип и е во вредност од 6,4 милиони денари,“ стои во изјавата на Бочварски.

Општина Штип продолжува да ги утрврдува проблемите и потребите на граѓаните преку непосредна комуникација со нив и истите во најкраток можен рок да ги решава.