Делегација од Општина Штип ја посети Општина Стражица и учествуваше во реализација на проектните активности од проект од Програмата „Европа за граѓаните“ финансиран од Европска Унија. Делегацијата ја сочинуваа:

- директори на три општински основни училишта: „Димитар Влахов“, „Тошо Арсов“ и „Гоце Делчев“, како и наставен кадар од петте општински основни училишта;

- Претставници од ООУ „Ванчо Прќе“ и ООУ „Славејко Арсов“;

- Ученици од ООУ „Димитар Влахов“;

- Претставници на фолклорна група;

- Наставен кадар и ученици од СОУ „Коле Нехтенин“ - Угостителска струка;

- Претставници - спортисти од боречки клуб;

- Претставници од Совет на млади на Општина Штип;

- Претставници од Општина Штип: Марина Митревска - соработник за ЛЕР одговорна за реализација на проектните активности, Соња Николова - советник за основно образование, Марија Џонова Попова - советник за предучилишно образование и Беами Шекиров - Општински центар за социјални услуги. 

Претставниците од Општина Штип имаа можност да се запознаат со повеќе сегменти од работењето на Општина Стражица, меѓу кои и економија, финансии и хуманитарни дејности. Претставниците од Општина Штип ја презентираа работата на Општината во сите нејзини сегменти.

По презентациите за Општините, присутните се запознаа со културните, образовните и економските потенцијали на општините и се даде добра основа за работата во групи. Работата во групи беше организирана во четири групи и тоа: образование; култура; социјални дејности, здравство и мацински прашања; млади.

Во сите групи се разви плодна дискусија и се разменија искуства за работата на институциите, установите и невладините организации по соодветни области и се разменија контакти и поставија солиден почеток за идни соработки по соодветни програми од Европската Унија.

Во рамки на посетата беше реализирана и Македонска вечер, на која беа презентирани штипски и македонски обичаи, македонската кујна, македонскиот фолклор и сл.

Преставниците од Општина Штип и нивните домаќини од Општина Стражица учествуваа во неколку дебатни сесии посветени на европските вредности и нивното имплементирање во функционирањето на институциите, но и во секојдневното живеење. Беа повторени заложбите на двете земји за побрз интеграциски процес, во којшто се вклучени и локалните самоуправи.