Градоначалникот на Штип, Благој Бочварски денес имаше кратка средба со Ректорот на штипскиот универзитет „Гоце Делчев“, д-р Блажо Боев.

Средбата беше искористена да се разменат мислења за понатамошната соработка, имајќи во предвид дека Универзитетот е важен дел од функционирањето на градот. Ректорот Боев беше гостин на денешната манифестација која општината и градоначалникот ја организираа за децата со посебни потреби во дворот на Ректоратот.

Градоначалникот Бочварски имаше и кратка средба со д-р Срџан Керим, во функција на домаќин, пред оддржување на настанот „Она што не го знаеме за Киро Глигоров", на кое Керим презентираше сеќавања за поранешниот претседател Глигоров во библиотеката „Гоце Делчев“.